1-сынып оқушыларының «Әліппемен қоштасу» ертеңгіліктері өткізілді.

Биыл мектеп табалдырығын аттаған балалар әріп танып, оқу-жазуды үйренудің алғашқы сатысынан өтті. Бүгін, міне, мектебіміздің  1-сынып оқушыларының «Әліппемен қоштасу» ертеңгіліктері өткізілді. Бүлдіршіндер үшін бұл ұмытылмас сәт болып есте қалары анық. Тыңғылықты дайындалған балалар өлең оқып, ән айтып, би билеп бар өнерлерін ортаға салды. Әріптер әлемімен толық танысып, жаңа «Ана тілі» оқулықтары табысталып, оқушыларымыз келесі кезеңге қадам басты. Бүлдіршіндерімізге жаңа білім баспалдағына қадам басқанымен құттықтап, тек сәттілік тілейміз!